Roma papası “Instagram”da qeydiyyatdan keçib

Bakı. 20 mart. REPORT.AZ/ Roma papası Fransisk “Instagram”da özünə akkaunt açıb və orada ilk şəkilini paylaşıb.

“Report” xəbər verir ki, bu barədə Roma katolik kilsəsinin baş keşişi öz rəsmi “twitter” səhifəsində məlumat verib.

“Mən Allahın mərhəmət və şəfqət yolunu sizinlə bir getmək üçün “Instagram”da yeni səyahətə başlayıram”, — deyə Fransisk bildirib.

Papa paylaşdığı şəkilin şərhində 9 dildə “mənim üçün dua edin” sözlərini yazıb.

Yeni akkaunta üç saat ərzində 422 mindən çox şəxs abuna yazılıb.