ROAS: Ərəb regionunda mənzil sektoru müxtəlif səviyyəli çağırışlarla üzləşir

Ərəb regionunda mənzil sektoru iqtisadi fərqliliklər, iqlim riskləri və qeyri-sabitliyin nəticələri daxil olmaqla müxtəlif səviyyəli çağırışlarla üzləşir.

"Report" xəbər verir ki, bunu UN-Habitat-ın Ərəb Dövlətləri üzrə Regional Bürosunun (ROAS) mənzil məsələləri üzrə eksperti Nihal El-Meqarbel Bakıda keçirilən WUF13 çərçivəsində "DMH-lərin lokallaşdırılması: tərəfdaşlıqlar və innovasiyalar vasitəsilə sistem dəyişikliklərinin irəliləməsi" mövzusuna həsr olunmuş panel müzakirəsində bildirib.

Onun sözlərinə görə, regionu vahid bir bütöv kimi nəzərdən keçirmək olmaz, çünki o yüksək gəlirli dövlətlərdən tutmuş münaqişələr və institusional qeyri-sabitlik yaşayan ölkələrə qədər müxtəlif iqtisadi inkişaf səviyyəsinə malik ölkələri əhatə edir.

O qeyd edib ki, bu fərqliliklərə baxmayaraq, regionun ümumi konteksti iqlim risklərinin güclənməsi və onların mənzil sektoruna birbaşa təsiri ilə müəyyən olunur.

"Ərəb regionunda mənzil sektoru, xüsusilə güclənən iqlim və iqtisadi çağırışlar fonunda son dərəcə vacib olaraq qalır", - o bildirib.