Putin hələ 2018-ci ildə keçiriləcək prezident seçkilərində iştirak barədə düşünmür

Bakı. 14 aprel. REPORT.AZ/ Rusiya prezidenti Vladimir Putin 2018-ci ildə keçiriləcək prezident seçkilərində mümkün iştirakı ilə bağlı sualı cavablandırıb.

"Report" xəbər verir ki, o, ölkə əhalisinə birbaşa bağlantı zamanı hələ bu barədə düşünməyin tez olduğunu və hazırda bu barədə düşünmədiyini deyib.

"İndi bizə bu gün üçün etimadı necə doğruldacağımızı, verilmiş vədləri necə yerinə yetirəcəyimizi düşünmək lazımdır. Elə bu işlərin nəticələrinə görə də gələcək fəaliyyət planı müəyyənləşəcək", - deyə V.Putin bildirib.