Suriyada qaz kəmərində partlayış təxribat nəticəsində baş verib - YENİLƏNİB

Suriya Neft Şirkəti təxribat nəticəsində partlayışın baş verdiyi Haseke əyalətində qaz kəmərinin bərpası üzrə işlər aparır.

"Report" xəbər verir ki, bu barədə Suriya Neft Şirkətinin məlumatında bildirilib.

"Çərşənbə axşamı səhər saat 4-də Hasekenin kənd ərazisindəki "Cbessa" qaz emalı zavodundan uzanan qaz kəmərində baş verən partlayış qazın nəqlinin dayanmasına səbəb olan qəsdən törədilmiş təxribat nəticəsində baş verib. İlkin araşdırma və hadisə yerinə dərhal baxış keçirilməsi partlayışın qəsdən törədilmiş təxribat aktının nəticəsi olduğunu göstərdi", -məlumatda qeyd olunub.

Nəticədə fasilələr bir sıra elektrik enerjisi turbinlərinə qaz tədarükünə təsir göstərib, buna görə də şirkət çatışmazlığı mövcud alternativlər hesabına kompensasiya etmək üçün öz hərəkətlərini Suriya Elektrik Enerjisi Şirkəti ilə koordinasiya edir.

Suriya Neft Şirkəti həmçinin bildirib ki, öz neft-qaz obyektlərinin və nəqliyyat boru kəmərlərinin mühafizəsinin gücləndirilməsi üzrə əlavə tədbirlərə başlayıb.

04:53

Suriyanın şimal-qərbindəki Haseke əyalətindəki Əl-Cəbsə neft emalı zavodundan keçən ixrac qaz boru kəmərində baş verən partlayış bir neçə elektrik stansiyasının təchizatını dayandırıb.

"Report"un məlumatına görə, Suriya Neft Şirkəti bu barədə "X" sosial sosial şəbəkəsində xəbər verib.

Rəsmi açıqlamaya görə, hadisə dünən səhər baş verib və nəticədə boru kəməri boyunca qaz nəqli tamamilə dayandırılıb. "Nəticədə bir neçə elektrik stansiyasına təchizat dayandırılıb", - sənəddə qeyd olunub.

Hadisədən sonra mütəxəssislər quyunu və boru kəmərinin zədələnmiş hissəsini təcrid edib, təhlükəsizlik klapanlarını bağlayıb və obyektin tamamilə təhlükəsiz olduğunu təmin ediblər.

Şirkət işçilərindən heç kim xəsarət almayıb. Təmir briqadaları bərpa işləri aparmaq üçün dərhal əraziyə göndərilib. Suriya Neft Şirkəti hadisə yerində ətraflı araşdırma apardığını və qəzanın səbəbləri ilə bağlı araşdırma başladığını açıqlayıb. İlkin məlumatlara görə, partlayış qəsdən törədilmiş təxribatın nəticəsi olub.

Şirkət araşdırmanı başa çatdırmaq və təxribatda iştirak edənləri müəyyənləşdirmək üçün müvafiq orqanlarla işləyir. Eyni zamanda, neft-qaz obyektlərinin və əlaqəli nəqliyyat marşrutlarının təhlükəsizliyini təmin etmək üçün gücləndirilmiş tədbirlər görülür.