Pentaqonun sənədlərini sızdıran şəxs xüsusi rabitə şəbəkəsinin təminatı ilə məşğul olub

Pentaqonun məxfi sənədlərini sızdırmaqda ittiham olunan Cek Daqas Teyşeyra xüsusi rabitə şəbəkəsinin təminatı ilə məşğul olub.

“Report” xəbər verir ki, bu barədə ABŞ Müdafiə Nazirliyindəki mənbəyə istinadən CNN məlumat yayıb.

Qeyd olunub ki, şübhəli şəxsin vəzifə səlahiyyətlərinə məxfi sənədlərlə işləmək və ya onların hazırlanıb yuxarı rütbəli zabitlərə verilməsi daxil olmayıb. Teyşeyra gizli sənədlərin yayıldığı xüsusi rabitə şəbəkəsinin fəaliyyətinə cavabdeh olub.

Gizli sənədlərin ötürülməsi zamanı ona müvafiq icazə verilib. Gənc bu fürsətdən istifadə edərək, maraqlandıran sənədləri kompüterinə yükləyib.