Pentaqon Avropaya XXI əsrdə ən böyük silah-sursat təchizatını həyata keçirib

Bakı. 28 oktyabr. REPORT.AZ/ Pentaqon oktyabrda ABŞ Hərbi Hava Qüvvələrinin Almaniyadakı "Ramştayn" aviabazasına rekord sayda silah-sursat göndərib.

"Report" "RİA Novosti"yə istinadən xəbər verir ki, bu barədə Almaniyanın aviabazasının saytında məlumat verilib.

Qeyd olunur ki, bu, ABŞ-ın 1999-cu ildən bəri Avropaya ən böyük silah-sursat tədarüküdür. O zaman ABŞ HHQ keçmiş Yuqoslaviyaya 900-dən çox hava reydi etmişdi.

Məlumatda deyilir ki, tədarük edilən silah-sursat aqressiv oyunçuların təhdidlərinə operativ şəkildə cavab verilməsi üçün zəruridir.