Makron Paşinyanı İrəvan və Bakı arasında sülhün qurulması ilə təbrik edib - YENİLƏNİB

Fransa Prezidenti Emmanuel Makron Ermənistanın Baş naziri Nikol Paşinyanı Azərbaycanla sülhün qurulması münasibətilə təbrik edib.

"Report" xəbər verir ki, bu barədə Ermənistan KİV-ləri məlumat yayıb.

E.Makron və N.Paşinyan TRIPP layihəsinin (Zəngəzur dəhlizinin Ermənistan ərazisindən keçəcək 42 kilometrlik hissəsi - red.) həyata keçirilməsinin təfərrüatlarını və Cənubi Qafqazda kommunikasiyaların açılması üçün görülən addımları müzakirə ediblər.

Onlar həmçinin iqtisadiyyat, infrastruktur və humanitar layihələr sahəsində Ermənistan və Fransa arasında ikitərəfli münasibətləri, regional əhəmiyyət kəsb edən məsələləri, eləcə də Ermənistan-Avropa İttifaqı əməkdaşlığının gələcək inkişafını müzakirə ediblər.

17:01

Ermənistan Baş naziri Nikol Paşinyan Parisdə Fransa Prezidenti Emmanuel Makronla görüşüb.

"Report" xəbər verir ki, bu barədə N.Paşinyan sosial şəbəkələrdə məlumat verib.

Daha əvvəl, baş nazirin oktyabrın 29-30-da Fransaya işgüzar səfər edəcəyi və orada 8-ci Paris Sülh Konfransında iştirak edəcəyi bildirilmişdi.