Pakistanda hərbi konvoya hücumda iştirak etmiş 30 terrorçu öldürülüb

Pakistanın təhlükəsizlik qüvvələri ölkənin Əfqanıstan sərhədindəki hərbi konvoyuna hücumla əlaqəli 30 döyüşçünü öldürüb.

"Report"un "Reuters"ə istinadən verdiyi məlumata görə, hərbiçilərə hücum oktyabrın 7-də baş verib.

Pakistanın Xeybər-Pahtunva əyalətində baş verən terror aktı nəticəsində 9 əsgər və 2 zabit həlak olub.

Qeyd edilir ki, hücuma görə məsuliyyəti Pakistan Talibanı öz üzərinə götürüb.