Odessada valideynlərini öldürüb qardaşını yaralayan şəxs intihar edib

Odessada 50 yaşlı kişi valideynlərini güllələyib qardaşını yaraladıqdan sonra intihar edib.

"Report" xəbər verir ki, bu barədə "RBK-Ukraina" Odessa vilayəti Milli Polisinin mətbuat xidmətinə istinadən məlumat yayıb.

Hadisə avqustun 29-da, şənbə günü şəhərin Kiyev rayonunda baş verib. Hüquq-mühafizə orqanlarının məlumatına görə, kişi ov tüfəngindən istifadə edib. Onun valideynləri həlak olub, yaralı qardaşı isə xəstəxanaya yerləşdirilib. Polis gəldikdən sonra kişi özünü güllələyib.

Hadisə yerində müstəntiqlər, kriminalistlər və əməliyyatçılar çalışır.

Faktla bağlı iki və daha çox şəxsin qəsdən öldürülməsi maddəsi ilə istintaq başladılıb.