Netanyahu azadlığın müdafiəsində ABŞ və İsrailin birliyini bəyan edib

İsrailin Baş naziri Benyamin Netanyahu ABŞ-ni müstəqilliyinin 250 illiyi münasibətilə təbrik edərək bildirib ki, Birləşmiş Ştatlar və İsraili "bir tale" və azadlığı birlikdə müdafiə etmək istəyi birləşdirir.

"Report" xəbər verir ki, o, müvafiq bəyanatı "X" sosial şəbəkəsində paylaşıb.

"Müxtəlif qitələrdə yaşasaq da, aramızda möhkəm bağlar mövcuddur, çünki taleyimiz birdir. Biz bilirik ki, azadlıq heç vaxt bədəlsiz verilmir. Onu daim müdafiə etmək lazımdır", - Netanyahu qeyd edib.

Onun sözlərinə görə, İsrail və ABŞ ittifaqı təkcə ortaq maraqlara deyil, həm də ortaq dəyərlərə əsaslanır. İsrailin Baş naziri əlavə edib ki, bu gün həmin dəyərlər sınaqlara məruz qalır, ancaq iki ölkə birlikdə fəaliyyət göstərdikdə azadlıq daha da güclənir.