Müxalifət İsveçdə parlament seçkilərində liderlik edir

Maqdalena Anderssonun başçılıq etdiyi sosial-demokratların rəhbərlik etdiyi solmərkəzçi müxalifət bazar günü İsveçdə keçirilən parlament seçkilərindən sonra baş nazir Ulf Kristerssonun hakim sağçı bloku üzərində minimal üstünlüyünü qoruyub saxlayır.

"Report"un Avropa bürosunun məlumatına görə, səslərin təxminən 95%-nin sayılmasından sonrakı ilkin məlumatlara əsasən, dörd müxalifət partiyası riksdaqda 349 yerdən 176-nı əldə edə bilər.

Kristerssonun Mülayim Koalisiya Partiyası, "İsveç Demokratları", Xristian Demokratlar və liberallardan ibarət hakim blok isə 173 yer qazana bilər. Bloklar arasındakı fərq təxminən 28 min səs təşkil edir.

Sosial-demokratlar təxminən 28% səs toplayaraq ən böyük partiya olaraq qalırlar, lakin ilkin məlumatlara görə, onların nəticəsi yüz ildən artıq müddət ərzində ən pis göstərici ola bilər.