Meksikada ölənlərin sayı 64 nəfərə çatıb, 65 nəfər itkin düşüb

Meksikanın beş ştatında baş verən daşqınlar və torpaq sürüşmələri nəticəsində ölənlərin sayı 64 nəfərə çatıb, 65 nəfərdən çox insan itkin düşüb.

"Report" "El universal"a istinadən xəbər verir ki, bu barədə mülki müdafiə üzrə milli koordinator məlumat verib.

Ən çox Verakrus, Puebla, İdalqo, San-Luis-Potosi və Keretaro ştatları zərər çəkib.

Verakrusda yağışlar 40 bələdiyyəyə təsirsiz ötüşməyib, nəticədə 29 nəfər həlak olub, 18 nəfər itkin düşüb.

Pueblada 23 bələdiyyə zərər görüb, 13 nəfər ölüb, 4 nəfər itkin düşüb.

28 bələdiyyənin ziyan dəydiyi İdalqoda 21 ölüm hadisəsi təsdiqlənib və 43 nəfər itkin düşüb.

San-Luis-Potosidə 12, Keretaroda 8 bələdiyyəyə ziyan dəyib, bir nəfər həlak olub.