Meksikada jurnalist qaçırılıb

Bakı. 4 yanvar. REPORT.AZ/ Tanınmış meksikalı jurnalist Moizes Sançes Kerezo bir grup silahlı tərəfindən qaçırılıb.

"Report"-un BBC-yə istinadən verdiyi məlumata görə, Medelin şəhərində nəşr olunan bir qəzetin sahibi olan Kerezonun ünvanına əvvəllər də hədə-qorxu dolu fikirlər səsləndirilirdi.

Polis cinayətin yerli narkokartel üzvləri tərəfindən həyata keçirildiyini istisna etmir.

Qeyd edək ki, 2010-cu ildən bu yana ancaq Medelin şəhərində 10 jurnalist qətlə yetirilib.