Marseldə xəstəxanadan 2 min tibbi maska oğurlandı

Fransada Marsel xəstəxanasından naməlum şəxslər iki min tibbi maska oğurlayıblar.

“Report” xəbər verir ki, bu barədə “Agence France-Presse” tibb müəssisəsindəki mənbəyə istinadən məlumat yayıb.

Agentliyin məlumatına görə, maskalar cərrahiyyə şöbəsindəki həkimlər və xəstələr üçün nəzərdə tutulurdu:

“Hazırda oğurluğu edən şəxs və ya şəxslərin tapılması istiqamətində daxili araşdırma aparılır. Ayrıca, bütün işçilərə bu maskaların yalnız peşə məqsədləri üçün istifadə edildiyini vurğulayan məktub da göndərilib”.

Agentlik xəstəxananın normal işləməsi üçün kifayət qədər maska ehtiyatının olduğunu da bildirib.