Mahaçqalada yataqxanada yanğın - ölən və yaralananlar var

Dağıstan Respublikasının paytaxtı Mahaçqalada yataqxanada baş verən yanğın nəticəsində bir nəfər həlak olub, daha bir nəfər ağır vəziyyətdə reanimasiyadadır.

“Report” TASS-a istinadən xəbər verir ki, bu barədə şəhər administrasiyasının mətbuat xidməti məlumat verib.

Məlumata görə, yanğın binanın dördüncü mərtəbəsində başlayıb və bir neçə otağı əhatə edib. Daha əvvəl Dağıstanın Fövqəladə Hallar Nazirliyinin Baş İdarəsi bir nəfərin xəsarət aldığını bildirmişdi. Daha bir sakin ciddi termik yanıq xəsarətləri alıb.