Liz Trass: “Britaniyada enerji böhranı bir neçə il davam edəcək”

“Böyük Britaniyada enerji böhranı bir neçə il davam edəcək, problemlərin həlli hökumətdən kəskin tədbirlər tələb edəcək”.

“Report” xəbər verir ki, bunu Britaniyanın xarici işlər naziri Liz Trass deyib.

XİN rəhbəri bildirib ki, Rusiya karbohidrogenlərindən imtina fonunda Böyük Britaniya Şimal dənizində yeni neft və qaz yataqlarının işlənməsini bərpa etməli, atom elektrik stansiyalarının tikintisini sürətləndirməli və bərpa olunan enerji mənbələrinə daha fəal keçməlidir.

O, əlavə edib ki, Baş nazir seçilərsə, vergiləri azaltmaqla və biznes fəaliyyəti üçün daha əlverişli mühit yaratmaqla Britaniya iqtisadiyyatını dirçəltməyə hazırdır.