Livanlı taksi sürücüsü Britaniya diplomatını qətlə yetirməsinin səbəblərini açıqlayıb

Bakı. 25 dekabr. REPORT.AZ/ "Uber"in livanlı taksi sürücüsü Tarek Hauçi Böyük Britaniya səfirliyinin əməkdaşı Rebekka Dayksı nə üçün zorlayaraq öldürmək qərarına gəldiyi barədə danışıb.

"Report" "Daily Mail"ə istinadən xəbər verir ki, o, dindirilmə zamanı öz əməlini qadının qısa ətəkdə olması ilə izah edib.

Hauçi əlavə edib ki, qadın əcnəbi olub və o, hesab edib ki, cəzasız cinayət etmək asan olacaq.

Sürücü bundan əvvəl Dayksı öldürdüyünü etiraf edib.

KİV-in məlumatına görə, Beyrutda Britaniyanın Livandakı səfirliyinin əməkdaşının meyiti dekabrın 17-də tapılıb.