​Kosta-Rika sahillərində turist gəmisi yanıb, ölənlər var

Bakı. 8 yanvar. REPORT.AZ/ Kosta-Rika sahillərində göyərtəsində turistlərin olduğu gəmində baş qaldıran yanğın nəticəsində ən azı iki nəfər ölüb.

"Report" TASS agentliyinə istinadən xəbər verir ki, bu barədə Beynəlxalq Qırmızı Xaç Komitəsinin yerli şöbəsinin nümayəndəsi məlumat verib.

Onun sözlərinə görə, gəminin göyərtəsində ümumilikdə təqribən 100 nəfər adam olub ki, onların da 16-na xilasedicilər yardım göstəriblər.

Məlumata görə, bərə məşhur Punt-Leon kurortundan yola çıxıb. Yanğın baş verən zaman gəmi ölkənin sakit okean sahili boyunca hərəkətdə olub.