Konqres gələn həftə Ukraynaya əlavə yardım məsələsini araşdıracaq

ABŞ konqresmenləri gələn həftə Ukraynaya əlavə yardım sorğusuna baxacaqlar.

“Report” xəbər verir ki, bu barədə ABŞ Nümayəndələr Palatasının spikeri Nensi Pelosi bildirib.

“Biz sabah buna baxacağıq və bacardığımız qədər gələn həftə bu məsələ ilə]məşğul olacağıq”, - deyə o, qeyd edib.

Qeyd edək ki, ABŞ-da səfərdə olan Ukraynanın Baş naziri Denis Şmıqal PrezidentiCozef Baydenlə görüşdən sonra ABŞ Konqresinin Nümayəndələr Palatasının spikeri Nensi Pelosinin qəbulunda olub.

Bundan əvvəl ABŞ prezidenti Cozef Bayden Ağ Evdə çıxışı zamanı bildirmişdi ki, Vaşinqton administrasiyası Kiyevə hərbi yardımı artırmaq üçün gələn həftə Konqresə əlavə sorğu göndərəcək.