KİV: “Nensi Pelosi yenidən Nümayəndələr Palatasına seçilib”

ABŞ Konqresinin Nümayəndələr Palatasının spikeri Nensi Pelosi aralıq seçkilərdə qalib gəlib.

“Report” xəbər verir ki, bu barədə CNN məlumat yayıb.

Bildirilib ki, o, Kaliforniya ştatında keçirilən səsvermədə 82 % səslə Respublikaçılar Partiyasından olan rəqibi Con Dennisi qabaqlayır.

Lakin Respublikaçılar Nümayəndələr Palatasında yerlərin əksəriyyətini qazansa, spiker bu partiyanın nümayəndələri arasından seçiləcək.

Xatırladaq ki, Nensi Pelosi 1987-ci ildən Nümayəndələr Palatasının üzvüdür. O, 2019-cu ildən ABŞ Konqresinin Nümayəndələr Palatasının spikeridir.