KİV: Makronun reytinqi rekord dərəcədə aşağı düşüb

Fransa Prezidenti Emmanuel Makrona etimad reytinqi rekord səviyyəyə - 11 %-ə düşüb.

"Report" xəbər verir ki, bu barədə "Le Figaro" qəzeti məlumat yayıb.

Nəşrin məlumatına görə, E.Makronun reytinqi son ay ərzində 5 faiz bəndi azalıb.

Qəzet qeyd edib ki, eyni zamanda Baş nazir Sebastian Lekornyunun reytinqi bir ay ərzində 5 faiz bəndi artaraq 26 %-ə çatıb.

Bildirlib ki, sorğu 26-28 oktyabr tarixlərində, 1000 vətəndaş arasında keçirilib.