Ketrin Mur: Təbii fəlakətlərdən sonra mənzillərin bərpası əlaqələndirilmiş formada olmalıdır

Mənzil siyasəti və təbii fəlakətlərdən sonra bərpa siyasəti yerli, milli və beynəlxalq səviyyələrdə əlaqələndirilməlidir.

"Report" xəbər verir ki, bu barədə "International Federation of Landscape Architects"in nümayəndəsi Ketrin Mur Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən müzakirədə bildirib.

Onun sözlərinə görə, əlçatan mənzil təbii fəlakət risklərinin azaldılmasının əsas tərkib hissələrindən biridir.

K.Murun sözlərinə görə, "Recovering the Future" konsepsiyası fəlakətlərdən sonrakı bərpadan təhlükəsiz, dayanıqlı və ədalətli icmalar yaratmaq üçün bir fürsət kimi istifadə etməyi təklif edir.

Bundan əlavə, Mur fəlakətlərdən sonra torpağın qiymətinin spekulyativ artımı təhlükəsi barədə xəbərdarlıq edib ki, bu da tez-tez zərərçəkmiş sakinlərin daha da təhlükəli ərazilərə sıxışdırılıb çıxarılmasına gətirib çıxarır.