Kanadada koronavirusa yoluxanların sayı 62 mini ötdü

Kanadada COVID-19 infeksiyasına yoluxma 62 046 nəfərdə təsdiqlənib.

“Report” xəbər verir ki, bu barədə ölkənin Səhiyyə Nazirliyi məlumat yayıb.

Qeyd edilir ki, pandemiya ərzində COVID-19-dan ümumilikdə 4 043 ölüm qeydə alınıb.

Budan başqa, ötən müddət ərzində yeni yoluxma hallarının müəyyənləşdirilməsi ilə əlaqədar ölkədə 942 602 test aparılıb.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.