Kamala Harris ABŞ-ın Milli Kosmik Şurasına başçılıq edəcək

ABŞ-ın vitse-prezidenti Kamala Harris ölkənin Milli Kosmik Şurasına başçılıq edəcək.

“Report” xəbər verir ki, bu barədə onun tvitterdəki bəyanatında deyilir.

"Mənim üçün bizim Milli Kosmik Şuramıza rəhbərlik etmək böyük şərəfdir", - o bildirib.

NASA-nın Kosmik Agentliyinin yeni başçısı Bil Nelson Harrisin təyinatını alqışlayıb.

"Vitse-prezident bir çox ölkənin kosmosda mövcud olduğu zaman getdikcə daha da mürəkkəbləşən federal hökumətin kosmik siyasətinə rəhbərlik etmək üçün ideal şəxsdir", - Nelsonun rəsmi açıqlamasında deyilir.

Onun sözlərinə görə, Harris ABŞ-ın kosmosda liderliyini davam etdirməsi üçün ölkənin səylərini əlaqələndirəcək.