Kaliforniyada güclü fırtına səbəbindən 180 minə yaxın ev işıqsız qalıb

ABŞ-ın Kaliforniya ştatında pis hava şəraiti nəticəsində 180 minə yaxın ev işıqsız qalıb.

"Report" xəbər verir ki, bu barədə CNN məlumat yayıb.

Saatda 136 km-ə çatan güclü külək San-Fransisko Beynəlxalq Hava Limanında 70-dən çox reysin təxirə salınmasına səbəb olub. Həmçinin bildirilir ki, ştatın bəzi ərazilərində küləyin sürəti hətta saatda 209 km-ə çatıb.

Əlverişsiz hava şəraiti səbəbindən bir uşaq və 19 yaşlı qız dünyasını dəyişib.

Kaliforniya qubernatoru bütün ştatda fövqəladə vəziyyət elan edib ki, bu da sakinlərə daha sürətli yardım göstərməyə imkan verəcək.