İsrail nümayəndələri Misirdə keçiriləcək Yaxın Şərq Sülh Sammitinə qatılmayacaq

İsrail nümayəndələri Qəzza zolağında atəşkəs sazişinin imzalanması münasibətilə Misirin Şarm əl-Şeyx şəhərində keçiriləcək Yaxın Şərq Sülh Sammitinə qatılmayacaq.

"Report"un məlumatına görə, bu barədə jurnalistlərə İsrail hökumətinin nümayəndəsi Şoş Bedrosyan bildirib.

"İsrailin heç bir nümayəndəsi sammitdə iştirak etməyəcək", - o deyib.

Qeyd edək ki, ABŞ Prezidenti Donald Trampın təklif etdiyi sülh planına uyğun olaraq, oktyabrın 13-də Misirin Şarm əl-Şeyx şəhərində Qəzza zolağında atəşkəsin müzakirəsi üçün Yaxın Şərq Sülh Sammiti keçiriləcək.