İsrail İranın qərbində raket və pilotsuz təyyarələrin saxlandığı yerlərə zərbələr endirib

İsrail Hərbi Hava Qüvvələrinə məxsus döyüş təyyarələri İranın qərbindəki hədəflərə irimiqyaslı zərbələr endirib.

“Report” xəbər verir ki, bu barədə İsrail Müdafiə Ordusunun mətbuat xidməti məlumat yayıb.

"Bu yaxınlarda 15 qırıcı təyyarə İranın qərbində genişmiqyaslı zərbələr dalğası həyata keçirib. İran silahlı qüvvələrinə məxsus yeraltı hərbi obyektlər, raket anbarları və pilotsuz uçuş aparatları hücuma məruz qalıb", - məlumatda bildirilir.

Bundan əlavə, Hərbi Hava Qüvvələrinin təyyarələri İranın mərkəzinə zərbə endirib, İsrail ərazisinə doğru atəş açmağa hazır olan raket buraxılış qurğularını məhv edib.