​İŞİD Türkiyə sərhədi yaxınlığında radioötürücü yerləşdirib

Bakı. 19 mart. REPORT.AZ/ İŞİD terrorçuları Türkiyənin Şanlıurfa bölgəsinin Akçakale qəsəbəsinin qarşısında - Suriyanın Telabyad şəhərində hündürmərtəbəli binanın damında radioötürücü quraşdırıb.

"Report"un xəbərinə görə, bu barədə məlumatı Türkiyənin NTV telekanalı yayıb.

Xəbərdə bildirilib ki, həmin sistemi binanın üstündə 5 İŞİD terrorçusu quraşdırıb.

Məlumata görə, onlar orada yarım saat işləyiblər.

İŞİD silahlılarının gördükləri işi Türkiyə ərazisindən də müşahidə etmək mümkün olub.