Nepalda qar uçqunu nəticəsində həlak olan alpinistlərin sayı yeddi nəfərə çatıb - YENİLƏNİB

Nepalda qar uçqunu nəticəsində həlak olan alpinistlərin sayı yeddi nəfərə çatıb.

"Report" "Nepal News"a istinadən xəbər verir ki, bu barədə polis rəisinin müavini Gyan Kumar Mahato bildirib.

O bildirib ki, qrup 15 nəfərdən - xarici alpinistlərdən və nepallı bələdçilərdən ibarət olub.

Ölənlərdən beşi əcnəbi - üçü ABŞ, biri Kanada, digəri isə İtaliya vətəndaşı olub. Həmçinin iki nepallı da həlak olub.

Bundan başqa, dörd alpinist itkin düşüb, dördü isə yaralanıb.

18:44

Nepalda qar uçqunu nəticəsində üç alpinist həlak olub, səkkiz nəfər isə itkin düşüb.

"Report" xəbər verir ki, bu barədə CNN məlumat yayıb.

Hadisə Katmandudan şimal-şərqdə, hündürlüyü 5630 metr olan Yalunq-Ri-Himal dağında baş verib.

Həlak olanların və xəsarət alanların şəxsiyyətləri hələ ki açıqlanmır.

"Hadisə yerinə hərbi və polis qüvvələrindən ibarət axtarış-xilasetmə qrupları göndərilib", - məlumatda bildirilib.