Həmas Qəzza razılaşmasını həyata keçirmək üçün vasitəçilərlə danışıqlar aparır

Fələstinin HƏMAS hərəkatı hazırda Qəzza zolağında atəşkəs razılaşmasının həyata keçirilməsi ilə bağlı vasitəçilərlə danışıqlar aparır.

“Report” xəbər verir ki, bu barədə HƏMAS nümayəndəsi Hazem Kasem məlumat verib.

“Biz hazırda vasitəçilərlə danışıqlar aparırıq və atəşkəs razılaşmasının nəhayət həyata keçirilməsini təmin etməyə çalışırıq. İsrail bütün girovlar azad edilənə qədər razılaşmanın bütün şərtlərini yerinə yetirməlidir”, - o bəyan edib.

HƏMAS nümayəndəsi həmçinin qeyd edib ki, vasitəçilər İsraili razılaşmanın şərtlərinə əməl etməyə məcbur etmək üçün çalışırlar, İsrail hökuməti isə onun bəzi müddəalarından yayınır.