Fransada tətillər səbəbindən apteklərin 90 %-i bağlanıb

Fransada hökumətin təklif etdiyi sərt qənaət tədbirlərinə qarşı ümummilli tətil çərçivəsində apteklərin təxminən 90 %-i bağlanıb.

"Report"un TASS-a istinadən verdiyi məlumata görə, bu barədə BFMTV telekanalı Əczaçılar Federasiyasının məlumatlarına əsaslanaraq bildirib.

"Ölkə üzrə demək olar ki, hər 10 aptekdən 9-u bağlıdır", - kanal təşkilatın məlumatını təqdim edib.

Əczaçılar, xüsusilə, sentyabrın 1-dən qüvvəyə minən və səhiyyə xərclərinin azaldılmasına yönəlmiş tədbirlərə qarşı çıxırlar. Əczaçılıq assosiasiyalarının fikrincə, bu tədbir apteklərin bağlanmasına və iş yerlərinin itirilməsinə səbəb ola bilər.