Fransada iyulda izafi ölüm qeydə alınıb

Fransa Statistika İnstitutu iyul ayında ölüm hallarının sayında ciddi artım qeydə alıb.

“Report” BFMTV-yə istinadən xəbər verir ki, iyulda Fransada hər gün orta hesabla 1 750 nəfər ölüb.

Günlük ölüm sayı baxımından ən yüksək göstərici iyulun 19-da qeydə alınıb – 2 098 nəfər.

Müqayisə üçün qeyd edək ki, 2021-ci ilin iyulunda ölənlərin maksimum sayı 1 777 nəfər olub.

2022-ci ilin göstəricisi həmçinin 2019-cu ilin iyulu ilə müqayisədə 13% çoxdur, bəzi bölgələrdə - əsasən cənubda bu fərq 17-19% təşkil edir.

Qeyd edək ki, avqustda Fransanı yeni ekstremal istilər dalğası bürüyüb. Parisdə havanın temperaturu 36 dərəcə selsiyə yüksəlib.

Fransanın 26 departamentində narıncı həyəcan siqnalı verilib.