Fransada iğtişaşlar zamanı saxlanılanların sayı 900-ə yaxınlaşır

Fransada PSJ futbol klubunun 30 may tarixində Çempionlar Liqasında qələbəsindən sonra başlayan küçə iğtişaşları nəticəsində 890 nəfər saxlanılıb.

"Report" "Le Figaro"ya istinadən xəbər verir ki, bunu Fransanın daxili işlər naziri Loran Nunyes bildirib.

Əməliyyatlar zamanı güc strukturlarının 178 əməkdaşı xəsarət alıb.

Onun sözlərinə görə, bu, futbol fanatlarının PSJ-nin Çempionlar Liqasındakı qələbəsindən sonra iğtişaşlar törətdiyi 2025-ci illə müqayisədə 45 % çoxdur.

"Bu hadisənin iğtişaşlara səbəb olacağını bilirdik, buna görə də son dərəcə sərt təlimatlarla müşayiət olunan təcili tədbirlər gördük. Bu özbaşınalıqlara son qoymaq üçün daim tədbirlər görülüb", – nazir vurğulayıb.