Fransada avtomobil azarkeşlərin üzərinə sürülüb

Fransanın cənub-şərqində bir kişi avtomobillə Çempionlar Liqasında “Pari Sen-Jermen” (PSJ) komandasının qələbəsini qeyd edən futbol azarkeşlərinin kütləsinə çırpılıb.

“Report” xəbər verir ki, bu barədə “Agence France-Presse” (AFP) polisə istinadən məlumat yayıb.

Hadisə Qrenobl şəhərində baş verib. Dörd nəfər xəsarət alıb, onlardan ikisinin vəziyyəti ağırdır.

Qeyd olunur ki, bütün xəsarət alanlar bir ailənin üzvləri olub. Polis sürücünü saxlayıb və həbs edib.

Bu hadisənin təhqiqatı ilə tanış olan mənbənin məlumatına görə, hələlik heç nə kişinin qəsdən insanlara çırpıldığını göstərmir.