FES rəhbəri inflyasiyanı 2% səviyyəsinə qaytarmaq istəyir

ABŞ-nin mərkəzi bankı funksiyalarını yerinə yetirən Federal Ehtiyat Sistemi (FES) inflyasiyanın 2%-lik hədəf səviyyəsinə qədər azaldılmasına nail olmaq niyyətindədir.

"Report" xəbər verir ki, bu barədə FES-in sədri Kevin Uorş mətbuat konfransında bildirib.

"İnflyasiya 2%-lik hədəf göstəricisi ilə müqayisədə yüksək olaraq qalır", - etiraf edən Uorş Açıq Bazar Əməliyyatları üzrə Federal Komitənin "qətiyyətli olduğunu" qeyd edib.

"Siz bu barədə əvvəllər də eşitmisiniz, lakin biz qiymət sabitliyini təmin edəcəyik", - FES rəhbəri vurğulayıb.

Onun sözlərinə görə, son beş il ərzində belə bir yanlış təəssürat yarana bilərdi ki, inflyasiyanın hədəf səviyyəsi 2%-dən yuxarıdır.

"Vurğulamaq istərdim ki, yumşaldılmış hədəf göstəriciləri yoxdur, gizli hədəf göstəriciləri yoxdur. Hədəf birdir - 2%", - Uorş bildirib.