Əfqanıstan dünyada qadınlar üçün ən pis yerdir

Bakı. 10 dekabr. REPORT.AZ/ Əfqanıstan qadınlar üçün mövcud olan yaşayış şəraiti baxımdan dünya reytinqində ən aşağı pilləni tutmaqda davam edir.

“Report” “Gazeta.ru”ya istinadən xəbər verir ki, 2011-ci ildən etibarən ölkədə qadınların təhsili sahəsində istər hökumətin, istərsə də xarici donorların göstərdikləri səylərə baxmayaraq, bu gün də Əfqanıstanda məktəb yaşlı qızların üçdə ikisi məktəbə getmir. Bunun nəticəsidir ki, ölkədə yaşayan qadınların 87 faizi savadsızdır. Bundan əlavə, qadınların 70-80 faizi 16 yaşadək məcburi şəkildə ərə verilir.