Çinin ticarət dövriyyəsi 11% azaldı

Bu ilin yanvar və fevral aylarında Çinin xarici ticarət dövriyyəsi 11% azalaraq 591,9 milyard ABŞ dolları təşkil edib.

“Report” “TASS”a istinadən xəbər verir ki, bu barədə Çin Xalq Respublikasının Baş Gömrük İdarəsi məlumat yayıb.

İdarənin rəsmi saytında dərc edilən məlumatlara əsasən, ölkənin ixracatı cari il ərzində 17,2% azalaraq 292.4 milyard ABŞ dolları təşkil edib.

İdxal isə 4% azalaraq 299.5 milyard ABŞ dollarına enib.