Çexiya vətəndaşlarının Ukraynada döyüşməsi üçün hüquqi mane aradan qalxıb

Çexiya vətəndaşlarının Ukraynada Rusiyaya qarşı döyüşməsinə icazə verilib.

“Report” UNİAN-a istinadən xəbər verir ki, bu barədə Çexiyanın Baş naziri Petr Fiala tviter səhifəsində yazıb.

“Miloş Zemanla (Çexiya Prezidenti - red.) görüşdə Ukraynaya gedərək ukraynalılar tərəfdən döyüşmək istəyənlərin cəzalandırlmayacaqlarına qarant verəcəyimizi razılaşdırdıq”, - o qeyd edib.

Volodimir Zelenski martın 3-də bildirmişdi ki, dünyanın 16 dövlətindən könüllülər Ukraynada Rusiyaya qarşı döyüşmək istəyir.

Qeyd edək ki, Çexiya qanunvericiliyinə əsasən, başqa dövlətin silahlı qüvvələrində hərbi xidmət edən ölkə vətəndaşı 5 il müddətinə azadlıqdan məhrum edilir.

Xatırlada ki, Miloş Zeman uzun müddət Rusiya Prezidenti Vladimir Putinin ən qatı tərəfdarlarından olub. Ancaq Ukraynaya qarşı müharibə başlayandan sonra rusiyalı həmkarını “ağılsız” adlandırıb.