​Britaniya-Niderland neft şirkəti 10 min əməkdaşını ixtisar edəcək

Bakı. 4 fevral. REPORT.AZ/ Məşhur "Royal Dutch Shell" Britaniya-Niderland şirkəti 10 min əməkdaşını ixtisar edəcək.

"Report" xəbər verir ki, bu haqda BBC məlumat yayıb.

Məlumata görə, buna səbəb olaraq, son 13 ildə şirkətin gəlirinin azalması göstərilib. 2015-ci ilin 4-cü rübündə "Shell" 1,8 milyard dollar qazanıb. 2014-cü ilin müvafiq dövründə isə bu rəqəm 3,3 milyard dollar olub.

2014-cü ildə şirkətin ümumi gəliri 19 milyard dollar olduğu halda ötən il 3,8 milyard dollaradək azalıb.

Şirkət bir sıra iri həcmli layihələrdən, məsələn, Alyaska sahillərindəki dənizdə neft kəşfiyyat işlərindən imtina edib.