Böyük Britaniya 16 yaşdan kiçik uşaqların sosial şəbəkələrə girişini qadağan edəcək

Böyük Britaniya 16 yaşdan kiçik uşaqların sosial şəbəkələrə girişini qadağan edəcək.

"Report" xəbər verir ki, bu barədə Britaniyanın Baş naziri Kir Starmer "X" sosial şəbəkəsində yayımlanan videomüraciətində bildirib.

Onun sözlərinə görə, qərar sosial şəbəkələrin uşaqların psixi sağlamlığına və rifahına təsiri ilə bağlı artan narahatlıqlar fonunda qəbul edilib.

O vurğulayıb ki, belə bir qərarın həyata keçirilməsinin mürəkkəbliyinə baxmayaraq, hökumət uşaqların qorunması üçün tədbirlər görməyi zəruri hesab edir.

Starmerin sözlərinə görə, qadağa 16 yaşından kiçik istifadəçilərə şamil ediləcək və rəqəmsal mühitdə uşaqların təhlükəsizliyinin təmin edilməsi üzrə ölkə siyasətində mühüm addım olacaq.