Boliviya prezidenti ABŞ rəhbərliyini bəşər üçün başlıca təhlükə adlandırıb

Bakı. 20 sentyabr. REPORT.AZ/ Boliviya prezidenti Evo Morales hesab edir ki, ABŞ hakimiyyəti dünya və onun çoxqütblülüyü üçün təhlükəyə çevrilib.

"Report" TASS-a istinadən xəbər verir ki, o bu bəyanatla çərşənbə axşamı BMT Baş Assambleyasının ümumsiyasi müzakirələri çərçivəsində çıxış edib.

"Aydındır ki, Yer kürəsi, çoxqütblülük, sülh və azadlıq üçün əsas təhlükə ABŞ rəhbərliyidir", - deyə Morales KXDR-in nüvə proqramı ilə bağlı vəziyyəti şərh edərkən bildirib.

O məsələnin hərbi yolla həllindən imtina etməyi və problemin dinc yolla həlli variantlarını tapmağı tələb edib.