Bayden Los-Anceles yanğınlarının nəticəsini müharibə zonası ilə müqayisə edib

ABŞ-nin Kaliforniya ştatının Los-Anceles şəhəri meşə yanğınları nəticəsində o qədər böyük ziyan görüb ki, onu müharibə zonası ilə müqayisə etmək olar.

"Report"un xəbərinə görə, bunu ABŞ Prezidenti Cozef Bayden fövqəladə vəziyyətin nəticələrinin aradan qaldırılması üzrə tədbirlərin müzakirəsi məqsədilə Ağ Evdə administrasiyasının yüksək vəzifəli nümayəndələri ilə görüşündə deyib.

"Bu, mənə bombardmanlardan sonra yaranan müharibə zonasını xatırlatdı", - o bildirib.

Eyni zamanda, Prezident fəlakət ətrafında dezinformasiyadan qazanc əldə etməyə çalışan demaqoqları pisləyib.