Azərbaycanlı jurnalistlər İsrail-Livan sərhədində olublar

Azərbaycandan olan bir qrup jurnalist İsrailin şimal sərhədinə səfər edib və Livanla sərhədyanı bölgələrdəki vəziyyətlə, həmçinin bu zonada "Hizbullah"ın mövcudluğu ilə bağlı əsas çağırışlarla tanış olub.

"Report"un müxbiri xəbər verir ki, "Alma" tədqiqat və təhsil mərkəzinin təsisçisi və prezidenti Sarit Zahavi jurnalistləri sərhəd bölgəsindəki cari vəziyyət barədə məlumatlandırıb.

"Suriya və Livanda siyasi vəziyyətin dəyişməsi "Hizbullah" qruplaşmasının gücünü sarsıdıb. Prinsipcə, İsrail və Livan hökuməti qruplaşmanın tərk-silah edilməsində maraqlıdır. Buna görə də əlverişli nəticəyə ümid edirik", - o bildirib.