"Axios": İsrail-Livan danışıqlarının növbəti raundu təxirə salınıb

Gələn həftə Romada keçirilməli olan İsrail və Livan arasında növbəti danışıqlar raundu təxirə salınıb.

"Report" xəbər verir ki, bu barədə "Axios" portalının jurnalisti Barak Ravid məlumat yayıb.

"İsrail və Livan arasında gələn həftə Romada planlaşdırılan növbəti danışıqlar raundu təxirə salınıb", - o, "X" sosial şəbəkəsində yazıb.

Jurnalistin məlumatına görə, Romadakı görüşün əvəzinə iki ölkənin səfirləri Vaşinqtonda ABŞ Dövlət Departamentində danışıqlar aparacaq, orada son hadisələri və İsrail ilə Livan arasında çərçivə sazişinin həyata keçirilməsini müzakirə edəcəklər.

Daha əvvəl "Al Jazeera" telekanalı İsrail və Livan arasında 8-ci danışıqlar raundunun 15-16 sentyabrda Romada keçiriləcəyini bildirib.