Avstriyada COVID-19-dan ölənlərin sayı 500-ü, yoluxma 15 mini keçdi

Avstriyada koronavirusdan ölənlərin sayı 522-yə çatıb.

“Report” “RİA Novosti”yə istinadən xəbər verir ki, məlumatı Avstriyanın Daxili İşlər Nazirliyi yayıb.

Bildirilib ki, son sutkada daha 77 nəfər infeksiyaya yoluxub, 12 nəfər isə ölüb. Bununla da koronavirusa yoluxanların ümumi sayı 15 002-yə çatıb.

Məlumata görə, Avstriyada məhdudlaşdırıcı tədbirlər aprelin sonunadək qüvvədə qalacaq.

Qeyd olunub ki, mağaza və xidmət sahələri mayın 1-dən açılacaq, restoranlar da işini mayın 15-dən bərpa edəcək. 

Kütləvi tədbirlərin keçirilməsi isə azı avqustun sonunadək qadağandır.