Ağ Ev Trampın Davosda keçirəcəyi görüşlər barədə məlumat yayıb

ABŞ prezidenti Donald Tramp Davosda keçiriləcək ümumdünya iqtisadi forumunda İraq prezidenti Berham Salehi, Pakistanın baş naziri İmran Xan və Avropa Komissiyasının rəhbəri Ursula fon Lyayenlə görüşəcək.

“Report” TASS-a istinadən xəbər verir ki, bu barədə Ağ Ev məlumat yayıb.

Bundan başqa, bildirilir ki, ABŞ liderinin İsveçrə prezidenti Simonetta Sommaruqoyla və digər şəxslərlə görüşləri baş tutacaq.

Danışıqların mövzusu və təfərrüatları açıqlanmır.