Ağ Ev: Bayden cinayətdə təqsirli bilinəcəyi təqdirdə oğlunu əfv etməyəcək

ABŞ Prezidenti Cozef Bayden vergi və digər cinayətdə təqsirli bilinəcəyi təqdirdə oğlu Hanteri əfv etməyəcək.

“Report” “Politico”ya istinadən xəbər verir ki, bu barədə Ağ Evin mətbuat katibi Karin Jan-Pyer bildirib.

Brifinq zamanı ondan Baydenin oğlunu əfv edəcəyi ehtimalının olub-olmadığı soruşulub. "Xeyr", - Jan-Pyer cavab verib. Ağ Ev təmsilçis əlavə şərhdən imtina edib.

Bundan əvvəl Hanter Bayden vergi fırıldaqları ilə bağlı ittihamları qəbul etməkdən imtina edib.

İyulun 26-da Hanter Bayden Delaver ştatında məhkəmə qarşısına çıxarılıb. Onun iki vergidən yayınma faktı üzrə özünü təqsirli biləcəyi gözlənilirdi.