ABŞ ordusu arsenalını doldurmaq üçün “Stinger” sifariş verib

ABŞ ordusu Ukraynaya silah tədarükündən sonra arsenalını doldurmaq üçün insan tərəfindən daşınan “Stinger” daşınabilən hava hücumundan müdafiə sistemlərinin istehsalı üçün “Raytheon Technologies” ilə 624,6 milyon dollarlıq müqavilə imzalayıb.

Report” xəbər verir ki, bu barədə Pentaqonun məlumatında deyilir.

ABŞ Müdafiə Nazirliyinin məlumatına görə, Rusiya hərbi əməliyyatı başlayandan bəri Ukraynaya 1,4 minə yaxın “Stinger MANPADS” göndərilib. ABŞ Ordusu 2005-ci ildən bu yana bu sistemlərin yeni partiyalarını almayıb.

“Stinger MANPADS”-dan əlavə, Pentaqon Ukraynaya 5500-dən çox tank əleyhinə idarə olunan “Javelin” raketləri göndərib.