ABŞ-də nazirin olduğu təyyarə mühərrikdə nasazlııq səbəbindən məcburi eniş edib

ABŞ Daxili Təhlükəsizlik naziri (MVB) Markueyn Mallinin də göyərtəsində olduğu Sahil Mühafizəsinə məxsus təyyarə mühərrikində yaranan problem səbəbindən Vaşinqton yaxınlığındakı hava limanında məcburi eniş edib.

Reportun məlumatına görə, bu barədə nazir "X" sosial şəbəkəsində yazıb.

"ABŞ Sahil Mühafizəsinin pilotları elə peşəkarlıq nümayiş etdirdilər ki, bir mühərriklə eniş adi hal kimi göründü. Heç bir panika olmadı, yalnız peşəkarlıq", – deyə o qeyd edib.

Təyyarə Vaşinqton yaxınlığındakı Ronald Reyqan adına hava limanına eniş edib.

Yerli KİV-lərin məlumatına görə, təyyarənin göyərtəsində olan şəxslərdən heç biri xəsarət almayıb.