ABŞ-da vergi orqanına göndərilmiş bağlamanı açan 10 işçinin səhhətində problem yaranıb

Bakı. 4 avqust. REPORT.AZ/ ABŞ-ın Kanzas-Siti şəhərində vergi dairəsinə göndərilmiş şübhəli paketə toxunan 10 işçinin səhhətində problem yaranıb.

"Report"un xarici mətbuata istinadən məlumatına görə, vergi orqanına göndərilmiş şübhəli əşya işçilər tərəfindən açılıb.

Bağlamaya toxunan 10 vergi işçisi sonradan başgicəllənmədən və qusmadan şikayət ediblər. Onların bir neçəsi xəstəxanaya yerləşdirilib.

Məsul şəxslər bağlamanı ətrafdakılardan təcrid edərək təhlükəsizlik tədbirləri görməyə başlayıblar. Bağlamada nəyin olduğu və onun hardan göndərildiyi barədə hələlik hər hansı məlumat verilmir.